ವೊಲೊಂಗೊಂಗ್ ವಿಶ್ವವಿದ್ಯಾಲಯದ ಬ್ರಾಂಡ್ ಅಂಬಾಸಿಡರ್, ವೊಲೊಂಗೊಂಗ್ ಕ್ಯಾಂಪಸ್ನಲ್ಲಿ ‘ಗುಜರಾತ್‌ನ GIFT ಸಿಟಿ’ ಬ್ರಾಂಚ್ ಅನ್ನು ಪ್ರಾರಂಭಿಸುತ್ತಿರುವ ಬಗ್ಗೆ ಕ್ಲೇರ್ ತಿಳಿಸಿದರು.
Image Credit source: Indian Express
ಇಂದಿನಿಂದ (ಮಾರ್ಚ್ 2) ಆಸ್ಟ್ರೇಲಿಯಾ (Australia) ಮತ್ತು ಭಾರತದ (India) ನಡುವೆ ನಡೆದ ಒಪ್ಪಂದದ ಮೇರೆಗೆ ಭಾರತದಲ್ಲಿ ಪಡೆದ ಉನ್ನತ ಶಿಕ್ಷಣ ಪದವಿಗಳಿಗೆ ಮಾನ್ಯತೆ ನೀಡಲಿರುದೆ, ಆದರೆ ಎಂಜಿನಿಯರಿಂಗ್, ವೈದ್ಯಕೀಯ, ಕಾನೂನು ಮತ್ತು ಇತರ ವೃತ್ತಿಪರ ಕೋರ್ಸ್‌ಗಳು ಈ ವ್ಯಾಪ್ತಿಯಲ್ಲಿ ಬರುವುದಿಲ್ಲ. ದೆಹಲಿಯಲ್ಲಿ ಕೇಂದ್ರ ಶಿಕ್ಷಣ ಸಚಿವ ಧರ್ಮೇಂದ್ರ ಪ್ರಧಾನ್ (Dharmendra Pradhan) ಅವರೊಂದಿಗೆ ಗುಣಮಟ್ಟವನ್ನು ಗುರುತಿಸುವ ಕಾರ್ಯವಿಧಾನದ ಒಪ್ಪಂದಕ್ಕೆ ಸಹಿ ಹಾಕಿರುವ ಆಸ್ಟ್ರೇಲಿಯಾದ ಶಿಕ್ಷಣ ಸಚಿವ ಜೇಸನ್ ಕ್ಲೇರ್ (Jason Clare) ಬುಧವಾರ ದೆಹಲಿಯಲ್ಲಿ ಈ ಒಪ್ಪಂದ ಒಂದು ದಶಕದಲ್ಲಿ ನಡೆದ ಚರ್ಚೆಯ ಫಲಿತಾಂಶವಾಗಿದೆ ಎಂದು ಇಂಡಿಯನ್ ಎಕ್ಸ್ಪ್ರೆಸ್ಗೆ ಹೇಳಿದರು.
“ಭಾರತವು ಅಮೆರಿಕದಂತಹ ದೇಶಗಳೊಂದಿಗೆ ಇತರ ಒಪ್ಪಂದಗಳನ್ನು ಹೊಂದಿದೆ. ಅಮೇರಿಕಾ ಜೊತೆಗಿನ ಒಪ್ಪಂದಕ್ಕಿಂತ ಇದು ವಿಶಾಲವಾದದ್ದು, ಏಕೆಂದರೆ ಆಸ್ಟ್ರೇಲಿಯಾದ ವಿಶ್ವವಿದ್ಯಾಲಯಗಳು ಭಾರತದಲ್ಲಿ ನಡೆಸಬಹುದಾದ ಕೋರ್ಸ್‌ಗಳು, ವೊಲೊಂಗಾಂಗ್ ವಿಶ್ವವಿದ್ಯಾಲಯ ಸ್ಥಾಪಿಸುತ್ತಿರುವಂತಹ ಸ್ವತಂತ್ರ ಕ್ಯಾಂಪಸ್ ಜೊತೆಗೆ ಆನ್ಲೈನ್ ಕೋರ್ಸ್‌ಗಳ ವಿಷಯಗಳನ್ನು ಈ ಒಪ್ಪಂದ ಒಳಗೊಂಡಿದೆ,” ಎಂದು ಕ್ಲೇರ್ ದಿ ಇಂಡಿಯನ್ ಎಕ್ಸ್ಪ್ರೆಸ್ಗೆ ತಿಳಿಸಿದರು.
“ಆದ್ದರಿಂದ ಇದರರ್ಥ ನೀವು ಆಸ್ಟ್ರೇಲಿಯನ್ ವಿಶ್ವವಿದ್ಯಾನಿಲಯದೊಂದಿಗೆ ಅಥವಾ ಭಾರತದಲ್ಲಿರುವ ಆಸ್ಟ್ರೇಲಿಯನ್ ವಿಶ್ವವಿದ್ಯಾಲಯದ ಕ್ಯಾಂಪಸ್ನಲ್ಲಿ ಅಧ್ಯಯನ ಮಾಡುವ ಅವಕಾಶವಿರುತ್ತದೆ. ಆಸ್ಟ್ರೇಲಿಯನ್ ಆನ್ಲೈನ್ ಕೋರ್ಸ್ ಮಾಡಲು ಅವಕಾಶವಿದೆ. ಈ ಪದವಿಗಳಿಗೆ ಭಾರತ ಹಾಗು ಆಸ್ಟ್ರೇಲಿಯಾದಲ್ಲಿ ಮಾನ್ಯತೆ ನೀಡಲಾಗುತ್ತದೆ.” ಎಂದು ತಳಿಸಿದರು.
ಈ ಒಪ್ಪಂದ ವೃತ್ತಿಪರ ಪದವಿಗಳಿಗೂ ಅನುಸರಿಸುತ್ತವೆಯೇ ಎಂದು ಕೇಳಿದಾಗ “ಇದರ ಬಗ್ಗೆ ನಾವಿನ್ನು ಚರ್ಚಿಸುತ್ತಿದ್ದೇವೆ, ಸದ್ಯಕ್ಕೆ ಇದು ವೃತ್ತಿಪರ ಪದವಿಗಳಿಗೆ ಅನುಸರಿಸುವುದಿಲ್ಲ. ಆದರೆ ಒಬ್ಬ ಭಾರತೀಯ ವಿಶ್ವವಿದ್ಯಾನಿಲಯದಿಂದ ವೈದ್ಯಕೀಯ ಪದವಿಯನ್ನು ಹೊಂದಿರುವ ವೈದ್ಯನಾಗಿದ್ದರೆ ಆತ ಆಸ್ಟ್ರೇಲಿಯಾಕ್ಕೆ ಪ್ರಯಾಣಿಸಬಹುದು ಮತ್ತು ವೈದ್ಯಕೀಯ ಅಭ್ಯಾಸ ಮಾಡಬಹುದು” ಎಂದು ಕ್ಲೇರ್ ತಿಳಿಸಿದರು
ಇದನ್ನೂ ಓದಿ: ಯುಜಿಸಿ NET ಫೇಸ್ 3 ಪ್ರವೇಶ ಪತ್ರ ಬಿಡುಗಡೆ; ಇಲ್ಲಿದೆ ಸಂಪೂರ್ಣ ವಿವರ
ಆಸ್ಟ್ರೇಲಿಯಾದ ಶಿಕ್ಷಣ ಸಚಿವ ಜೇಸನ್ ಕ್ಲೇರ್ ಅವರು ಭಾಗವಹಿಸಿದ್ದ 2015ರ ಆಸ್ಟ್ರೇಲಿಯಾ-ಭಾರತ ಶಿಕ್ಷಣ ಮಂಡಳಿಯ ಸಭೆಯನ್ನು ನೆನಪಿಸಿಕೊಂಡು, ಆಸ್ಟ್ರೇಲಿಯಾದ ಮಾಜಿ ಕ್ರಿಕೆಟಿಗ ಆಡಮ್ ಗಿಲ್‌ಕ್ರಿಸ್ಟ್, ವೊಲೊಂಗೊಂಗ್ ವಿಶ್ವವಿದ್ಯಾಲಯದ ಬ್ರಾಂಡ್ ಅಂಬಾಸಿಡರ್, ವೊಲೊಂಗೊಂಗ್ ಕ್ಯಾಂಪಸ್ನಲ್ಲಿ ‘ಗುಜರಾತ್‌ನ GIFT ಸಿಟಿ’ ಬ್ರಾಂಚ್ ಅನ್ನು ಪ್ರಾರಂಭಿಸುತ್ತಿರುವ ಬಗ್ಗೆ ತಿಳಿಸಿದರು. “ವೊಲೊಂಗೊಂಗ್ ವಿಶ್ವವಿದ್ಯಾನಿಲಯದ ಜೊತೆಗೆ, ಡೀಕಿನ್ ವಿಶ್ವವಿದ್ಯಾಲಯವು GIFT ಸಿಟಿ ಕ್ಯಾಂಪಸ್ ಅನ್ನು ಸಹ ಸ್ಥಾಪಿಸಲಿದೆ. ಆಸ್ಟ್ರೇಲಿಯಾದ ಪ್ರಧಾನ ಮಂತ್ರಿ ಆಂಥೋನಿ ಅಲ್ಬನೀಸ್ ಅವರ ಈ ತಿಂಗಳು ಭಾರತಕ್ಕೆ ಭೇಟಿ ನೀಡುವ ಸಂದರ್ಭದಲ್ಲಿ ಈ ಕುರಿತು ಘೋಷಣೆ ಮಾಡುವ ಸಾಧ್ಯತೆಯಿದೆ” ಎಂದು ತಿಳಿಸಿದರು.
