21st Century Biggest Earthquakes- ಸಾವಿನ ಪ್ರಮಾಣ ದೃಷ್ಟಿಯಿಂದ ಈ ಶತಮಾನದ ಅತ್ಯಂತ ಘೋರ ಭೂಕಂಪಗಳೆಂದರೆ 2004ರಲ್ಲಿ ಇಂಡೋನೇಷ್ಯಾದ ಬಂದಾ ಆಚೆ ಹಾಗೂ 2010ರಲ್ಲಿ ಹೈಟಿಯಲ್ಲಿ ಸಂಭವಿಸಿದ ಭೂಕಂಪಗಳನ್ನು ಸೇರಿಸಬಹುದು.
ಟರ್ಕಿ ಮತ್ತು ಸಿರಿಯಾ ದೇಶಗಳಲ್ಲಿ ನಿನ್ನೆ ಸೋಮವಾರ ಸಂಭವಿಸಿದ 7.8 ತೀವ್ರತೆಯ ಭೂಕಂಪಕ್ಕೆ (Turkey earthquake) 4 ಸಾವಿರಕ್ಕೂ ಹೆಚ್ಚು ಮಂದಿ ಬಲಿಯಾಗಿದ್ದಾರೆ. ಮೂರು ಭೂಕಂಪಗಳು ಮತ್ತು ನೂರಕ್ಕೂ ಹೆಚ್ಚು ಪಶ್ಚಾತ್ ಕಂಪನಗಳಿಂದ ಈ ಎರಡೂ ದೇಶಗಳು ನಲುಗಿಹೋಗಿವೆ. ಟರ್ಕಿಯಲ್ಲಿ 3 ಸಾವಿರ ಮಂದಿ ಮೃತಪಟ್ಟಿದ್ದು, ಸಿರಿಯಾದಲ್ಲಿ ಒಂದೂವರೆ ಸಾವಿರಕ್ಕೂ ಹೆಚ್ಚು ಮಂದಿ ಬಲಿಯಾಗಿರುವ ಮಾಹಿತಿ ಮಂಗಳವಾರ ಬೆಳಗ್ಗೆ ಸಿಕ್ಕಿದೆ.
ನೂರಾರು ಕಟ್ಟಡಗಳು ಉರುಳಿಬಿದ್ದಿದ್ದು, ಬಹಳಷ್ಟು ಮಂದಿ ಕಟ್ಟಡಗಳ ಅವಶೇಷಗಳಡಿ ಸಿಲುಕಿರುವ ಸಾಧ್ಯತೆ ಇದೆ. ಸಾವಿನ ಸಂಖ್ಯೆ ಇನ್ನೂ ಬಹಳಷ್ಟು ಏರುವ ನಿರೀಕ್ಷೆ ಇದೆ. ಭಾರತ ಸೇರಿದಂತೆ ವಿಶ್ವದ ಹಲವು ರಾಷ್ಟ್ರಗಳು ಟರ್ಕಿ ದೇಶಕ್ಕೆ ಸಹಾಯ ಹಸ್ತ ಚಾಚಿವೆ.
ಟರ್ಕಿ ದೇಶದ ಇತಿಹಾಸದಲ್ಲಿ ಸಂಭವಿಸಿದ ಅತ್ಯಂತ ಭೀಕರ ಭೂಕಂಪಗಳಲ್ಲಿ ಇದೂ ಒಂದು. ಮೂವತ್ತರ ದಶಕದ ಬಳಿಕ ಇದು ಅತಿಘೋರ ಭೂಕಂಪವಾಗಿದೆ. ಟರ್ಕಿ ಮತ್ತು ಸಿರಿಯಾ ಪ್ರದೇಶಗಳು ಭೂಕಂಪ ಸೂಕ್ಷ್ಮ ಸ್ಥಳಗಳಲ್ಲಿ ಇರುವುದರಿಂದ ಇಲ್ಲಿ ಭೂಮಿ ಕಂಪಿಸುವುದು ಸಾಮಾನ್ಯ. ಸಾವಿನ ಪ್ರಮಾಣ ದೃಷ್ಟಿಯಿಂದ ಈ ಶತಮಾನದ ಅತ್ಯಂತ ಘೋರ ಭೂಕಂಪಗಳೆಂದರೆ (Deadliest Earthquakes) 2004ರಲ್ಲಿ ಇಂಡೋನೇಷ್ಯಾದ ಬಂದಾ ಆಚೆ ಹಾಗೂ 2010ರಲ್ಲಿ ಹೈಟಿಯಲ್ಲಿ ಸಂಭವಿಸಿದ ಭೂಕಂಪಗಳನ್ನು ಸೇರಿಸಬಹುದು. ಈ ಎರಡು ಸಂದರ್ಭದಲ್ಲಿ 2 ಲಕ್ಷಕ್ಕೂ ಹೆಚ್ಚು ಮಂದಿ ಬಲಿಯಾಗಿದ್ದುಂಟು.
ಇದನ್ನೂ ಓದಿ: Turkey Earthquake: 3 ಪ್ರಬಲ ಭೂಕಂಪಗಳಿಂದ ನಲುಗಿದ ಟರ್ಕಿ ಹಾಗೂ ಸಿರಿಯಾ, 4,000 ಕ್ಕೂ ಹೆಚ್ಚು ಮಂದಿ ಸಾವು
ಆಫ್ರಿಕಾ ಖಂಡದ ಹೈಟಿಯಲ್ಲಿ 2010ರಲ್ಲಿ ಭೂಕಂಪಕ್ಕೆ 3 ಲಕ್ಷಕ್ಕೂ ಹೆಚ್ಚು ಜನರು ಬಲಿಯಾಗಿದ್ದರು. ರಿಕ್ಟರ್ ಮಾಪಕದಲ್ಲಿ ತೀವ್ರತೆ ಕೇವಲ 7.0 ಮಾತ್ರ ಇದ್ದರೂ ನಗರ ಭಾಗಗಳಲ್ಲಿ ಕಂಪನ ಕೇಂದ್ರಿತವಾದ್ದರಿಂದ ಸಾವು ನೋವು ಅಧಿಕವಾಗಿತ್ತು. ಇನ್ನು 2004ರಲ್ಲಿ ಇಂಡೋನೇಷ್ಯಾದ ಬಂಡಾ ಆಚೆ ಎಂಬಲ್ಲಿ ಸಂಭವಿಸಿದ ಭೂಕಂಪದಿಂದ ಸೃಷ್ಟಿಯಾದ ಅನಾಹುತವನ್ನು ಭಾರತೀಯರು ಮರೆಯಲು ಸಾಧ್ಯವೇ? ತಮಿಳುನಾಡು, ಶ್ರೀಲಂಕಾ ಸೇರಿದಂತೆ 12ಕ್ಕೂ ಹೆಚ್ಚು ದೇಶಗಳ ಕಡಲತೀರಗಳಲ್ಲಿ ಸುನಾಮಿ ಅಲೆ ಅಪ್ಪಳಿಸಿ 2 ಲಕ್ಷಕ್ಕೂ ಹೆಚ್ಚು ಜನರು ಸತ್ತಿದ್ದರು. ಭೂಕಂಪಕ್ಕಿಂತ ಸುನಾಮಿ ದಾಳಿ ಹೆಚ್ಚು ಭೀಕರವಾಗಿತ್ತು.
ಈ ಶತಮಾನದಲ್ಲಿ ಸಂಭವಿಸಿದ ಅತ್ಯಂತ ಭೀಕರ ಭೂಕಂಪಗಳ ಪಟ್ಟಿ:
2022, ಜೂನ್ 22: ಅಫ್ಘಾನಿಸ್ತಾನದಲ್ಲಿ 6.1 ತೀವ್ರತೆಯ ಭೂಕಂಪದಿಂದ 1,100 ಮಂದಿ ಬಲಿ
2021, ಆಗಸ್ಟ್ 14: ಆಫ್ರಿಕಾ ಖಂಡದ ಹೈಟಿ ನಗರದಲ್ಲಿ 7.2 ತೀವ್ರತೆಯ ಭೂಕಂಪಕ್ಕೆ 2,200 ಮಂದಿ ಸಾವು
2018, ಸೆ. 28: ಇಂಡೋನೇಷ್ಯಾದಲ್ಲಿ 7.5 ತೀವ್ರತೆಯ ಭೂಕಂಪ; 4,300ಕ್ಕೂ ಹೆಚ್ಚು ಸಾವು
2016, ಆಗಸ್ಟ್ 24: ಇಟಲಿಯಲ್ಲಿ 6.2 ತೀವ್ರತೆಯ ಭೂಕಂಪ; 300ಕ್ಕೂ ಹೆಚ್ಚು ಸಾವು
2015, ಏ. 25: ನೇಪಾಳದಲ್ಲಿ 7.8 ತೀವ್ರತೆಯ ಭೂಕಂಪ; 8,800ಕ್ಕೂ ಹೆಚ್ಚು ಸಾವು
2014, ಆಗಸ್ಟ್ 3: ಚೀನಾದ ವೇನ್ಪಿಂಗ್ನಲ್ಲಿ 6.2 ತೀವ್ರತೆಯ ಭೂಕಂಪ; 700ಕ್ಕೂ ಹೆಚ್ಚು ಮಂದಿ ಬಲಿ
2013, ಸೆ. 24: ಪಾಕಿಸ್ತಾನದಲ್ಲಿ 7.7 ತೀವ್ರತೆಯ ಭೂಕಂಪ; 800ಕ್ಕೂ ಹೆಚ್ಚು ಮಂದಿ ಸಾವು
2011, ಮಾರ್ಚ್ 11: ಜಪಾನ್ನಲ್ಲಿ 9 ತೀವ್ರತೆಯ ಭೂಕಂಪ, ಸುನಾಮಿ ಪ್ರವಾಹ; 20 ಸಾವಿರಕ್ಕೂ ಹೆಚ್ಚು ಮಂದಿ ಬಲಿ
2010, ಫೆ. 27: ಚಿಲಿಯಲ್ಲಿ 8.8 ತೀವ್ರತೆಯ ಭೂಕಂಪ, ಸುನಾಮಿ ಸೃಷ್ಟಿ; 524 ಜನರು ಮೃತ
2010, ಜ. 12: ಹೈಟಿಯಲ್ಲಿ 7.0 ತೀವ್ರತೆಯ ಭೂಕಂಪಕ್ಕೆ 3 ಲಕ್ಷಕ್ಕೂ ಹೆಚ್ಚು ಜನರು ಬಲಿ
2009, ಸೆ. 30: ಇಂಡೋನೇಷ್ಯಾದ ಸುಮಾತ್ರ ದ್ವೀಪದಲ್ಲಿ 7.5 ತೀವ್ರತೆಯ ಭೂಕಂಪ; 1,100ಕ್ಕೂ ಹೆಚ್ಚು ಸಾವು
2009, ಏಪ್ರಿಲ್ 6: ಇಟಲಿಯಲ್ಲಿ 6.3 ತೀವ್ರತೆಯ ಭೂಕಂಪ; 300ಕ್ಕೂ ಹೆಚ್ಚು ಮಂದಿ ಸಾವು
2008, ಮೇ 12: ಚೀನಾದ ಸಿಚುವಾನ್ನಲ್ಲಿ 7.9 ತೀವ್ರತೆಯ ಭೂಕಂಪ; 87,500 ಮಂದಿ ಸಾವು
2007, ಆಗಸ್ಟ್ 15: ದಕ್ಷಿಣ ಅಮೆರಿಕದ ಪೆರು ದೇಶದಲ್ಲಿ 8.0 ತೀವ್ರತೆಯ ಭೂಕಂಪ; 500ಕ್ಕೂ ಹೆಚ್ಚು ಸಾವು
2006, ಮೇ 26: ಇಂಡೋನೇಷ್ಯಾದ ಜಾವಾ ದ್ವೀಪದಲ್ಲಿ 6.3 ತೀವ್ರತೆಯ ಭೂಕಂಪ; 5,700 ಜನರ ಸಾವು
2005, ಅಕ್ಟೋಬರ್ 8: ಪಾಕ್ ಆಕ್ರಮಿತ ಕಾಶ್ಮೀರ ಭಾಗದಲ್ಲಿ 7.6 ತೀವ್ರತೆಯ ಭೂಕಂಪ; 80 ಸಾವಿರಕ್ಕೂ ಹೆಚ್ಚು ಮಂದಿ ಬಲಿ
2005, ಮಾರ್ಚ್ 28: ಇಂಡೋನೇಷ್ಯಾದ ಸುಮಾತ್ರ ದ್ವೀಪದಲ್ಲಿ 8.6 ತೀವ್ರತೆಯ ಭೂಕಂಪ; 1,300ಕ್ಕೂ ಹೆಚ್ಚು ಸಾವು
2004, ಡಿ. 26: ಇಂಡೋನೇಷ್ಯಾದಲ್ಲಿ 9.1 ತೀವ್ರತೆ ಭೂಕಂಪ, ಭಾರತ ಸೇರಿ ವಿವಿಧ ದೇಶಗಳ ಕಡಲತೀರಗಳಲ್ಲಿ ಸುನಾಮಿ ಪ್ರವಾಹ; 2.3 ಲಕ್ಷಕ್ಕೂ ಹೆಚ್ಚು ಮಂದಿ ಸಾವು.
2003, ಡಿ. 26: ಇರಾನ್ನಲ್ಲಿ 6.6 ತೀವ್ರತೆಯ ಭೂಕಂಪ; 50 ಸಾವಿರಕ್ಕೂ ಹೆಚ್ಚು ಮಂದಿ ಸಾವು
2003, ಮೇ 21: ಆಲ್ಜೀರಿಯಾದಲ್ಲಿ 6.8 ತೀವ್ರತೆಯ ಭೂಕಂಪಕ್ಕೆ 2,200ಕ್ಕೂ ಹೆಚ್ಚು ಸಾವು
2002, ಮಾರ್ಚ್ 25: ಅಫ್ಘಾನಿಸ್ತಾನದಲ್ಲಿ 6.1 ತೀವ್ರತೆಯ ಭೂಕಂಪ; ಒಂದು ಸಾವಿರ ಮಂದಿ ಸಾವು
2001, ಜ. 26: ಭಾರತದ ಗುಜರಾತ್ನಲ್ಲಿ 7.7 ತೀವ್ರತೆಯ ಭೂಕಂಪ; 20 ಸಾವಿರ ಮಂದಿ ಬಲಿ
ತಾಜಾ ಸುದ್ದಿ
