3 C
Munich
Wednesday, March 15, 2023

Karnataka Rain in Haveri CM Bommai inaugurates G+ type shelter homes and distributes title deeds at Haveri news in kannada | ಹಕ್ಕುಪತ್ರ ವಿತರಣಾ ಕಾರ್ಯಕ್ರದ ವೇಳೆ ಗುಡುಗು ಸಹಿತ ಮಳೆ; ಇದು ಶುಭ ಸಂಕೇತ ಎಂದ ಸಿಎಂ ಬೊಮ್ಮಾಯಿ

ಓದಲೇಬೇಕು

ಹಾವೇರಿ ಜಿಲ್ಲೆ ಶಿಗ್ಗಾಂವಿ ಪಟ್ಟಣದಲ್ಲಿರುವ ಸಂತೆ ಮೈದಾನದಲ್ಲಿ ನಿವೇಶನ, ಮನೆಗಳ ಹಕ್ಕುಪತ್ರ ವಿತರಣಾ ಕಾರ್ಯಕ್ರಮಕ್ಕೆ ಸಿಎಂ ಬೊಮ್ಮಾಯಿ ಚಾಲನೆ ನೀಡಿದರು. ಕಾರ್ಯಕ್ರಮದ ವೇಳೆ ಗುಡುಗು ಸಹಿತ ಮಳೆಯಾಗಿದ್ದು, ಕಾರ್ಯಕ್ರಮದ ವೇಳೆ ಮಳೆ ಬಂದಿರುವುದು ಶುಭ ಸಂಕೇತ ಎಂದು ಸಿಎಂ ಹೇಳಿದ್ದಾರೆ. ಆದರೆ ನೆರೆದಿದ್ದ ಜನರು ಅಕ್ಷರಶಃ ತತ್ತರಿಸಿದರು.

ಬಸವರಾಜ ಬೊಮ್ಮಾಯಿ (ಎಡ ಚಿತ್ರ) ಮತ್ತು ಮಳೆ ಹಿನ್ನಲೆ ಜನರು ತಲೆ ಮೇಲೆ ಕುರ್ಚಿ ಇಟ್ಟುಕೊಂಡಿರುವುದು (ಬಲ ಚಿತ್ರ)

ಹಾವೇರಿ: ಜಿಲ್ಲೆಯ ಶಿಗ್ಗಾಂವಿ ಪಟ್ಟಣದಲ್ಲಿರುವ ಸಂತೆ ಮೈದಾನದಲ್ಲಿ ನಿವೇಶನ, ಮನೆಗಳ ಹಕ್ಕುಪತ್ರ ವಿತರಣಾ ಕಾರ್ಯಕ್ರಮಕ್ಕೆ ಸಿಎಂ ಬಸವರಾಜ ಬೊಮ್ಮಾಯಿ (Basavaraj Bommai) ಚಾಲನೆ ನೀಡಿದರು. ಕಾರ್ಯಕ್ರಮದ ವೇಳೆ ಗುಡುಗು ಸಹಿತ ಮಳೆಯಾಗಿದ್ದು, ಮುಖ್ಯಮಂತ್ರಿ ಫುಲ್ ಖುಷ್ ಆಗಿದ್ದಾರೆ. ಅಲ್ಲದೆ, ಕಾರ್ಯಕ್ರಮದ ಮಳೆ (Haveri Rain) ಬಂದಿರುವುದು ಶುಭ ಸಂಕೇತವಾಗಿದೆ. ಬರುವಂತಹ ದಿನಗಳಲ್ಲಿ ಇದು ಅಭಿವೃದ್ಧಿಯ ಸಂಕೇತವಾಗಿದೆ. ನಿಮಗೆ ಕೈ ಮುಗಿದು ಕೇಳುತ್ತೇನೆ ಬರುವ ದಿನಗಳಲ್ಲಿ ಮತ್ತೊಮ್ಮೆ ನನಗೆ ಆಶಿರ್ವಾದ ಮಾಡಿ. ಮಳೆ ಬರುತ್ತಿದ್ದರೂ ಹಾಗೇ ನಿಂತು ನನ್ನ ಮಾತು ಕೇಳುತ್ತಿದ್ದೀರಿ. ನಿಮಗೆ ಕೋಟಿ ಕೋಟು ನಮನಗಳು. ನಾನು ಸಿಎಂ ಆದರೂ ನಿಮಗೆ ನಾನು ಬಸವರಾಜ್ ಬೊಮ್ಮಾಯಿ ಮಾತ್ರ. ನಿಮಗೇಲ್ಲಾ ಕೈ ಮುಗಿದು ಕೇಳುತ್ತಾ ಇದ್ದೇನೆ ಎಂದು ಮೂರು ಬಾರಿ ಹೇಳಿ ಜನರಿಗೆ ನಮಸ್ಕಾರ ಮಾಡಿದರು. ಇತ್ತ ತಲೆ ಮೇಲೆ ಕುರ್ಚಿ ಇಟ್ಟುಕೊಂಡು ಬೊಮ್ಮಾಯಿ ಭಾಷಣ ಆಲಿಸುತ್ತಿದ್ದ ಜನರು ಕೈ ಎತ್ತಿ ಆಶೀರ್ವಾದ ಮಾಡಿದರು. ಜನರ ಪ್ರೀತಿ ಕಂಡ ನಾಡದೊರೆ ನಗುತ್ತಾ ಮಳೆಯಲ್ಲಿ ಮಿಂದೆದ್ದರು.

ಹಾವೇರಿ ಜಿಲ್ಲೆ ಶಿಗ್ಗಾಂವಿ ಪಟ್ಟಣದಲ್ಲಿರುವ ಸಂತೆ ಮೈದಾನದಲ್ಲಿ ಜಿ+ ಮಾದರಿಯ ಆಶ್ರಯ ಮನೆಗಳ ಉದ್ಘಾಟನೆ, ಹಕ್ಕುಪತ್ರ ವಿತರಣೆ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದ ಸಿಎಂ ಬೊಮ್ಮಾಯಿ, ಸವಾಲುಗಳು, ಅಡೆತಡೆ ಎದುರಿಸದಿದ್ದರೆ ಯಶಸ್ಸು ಕಾಣಲು ಸಾಧ್ಯವಿಲ್ಲ. ಅಡೆತಡೆಗಳನ್ನೇ ಗೆಲುವಿನ ಮೆಟ್ಟಿಲು ಮಾಡಿಕೊಂಡು ಯಶಸ್ಸು ಕಂಡಿದ್ದೇನೆ ಎಂದರು. ಅಲ್ಲದೆ, 291 ಹಳ್ಳಿಗಳ ಮನೆಮನೆಗೆ ಕುಡಿಯುವ ನೀರು ಪೂರೈಕೆ ಮಾಡುತ್ತಿದ್ದೇವೆ ಎಂದರು.

ಇದನ್ನೂ ಓದಿ: ಹಿಂದುಳಿದ, SCST ಸಮುದಾಯಗಳನ್ನು ವರ್ಷಕ್ಕೊಮ್ಮೆ ಮೇಲೆತ್ತುವುದು, ಮತ್ತೆ ಬಾವಿಗೆ ಹಾಕುವುದು: ಕಾಂಗ್ರೆಸ್​ ವಿರುದ್ಧ ಸಿಎಂ ಬೊಮ್ಮಾಯಿ ಕಿಡಿ

ಕಳೆದ ಮೂರು ವರ್ಷಗಳ ಹಿಂದೆ ಮನೆಮನೆಗೆ ನೀರು ಎಂದು ಪ್ರಧಾನಿ ನರೇಂದ್ರ ಮೋದಿ ಅವರು ಘೋಷಿಸಿದ್ದರು. ಇದನ್ನು ಹಲವರು ಟೀಕಿಸಿದರೂ ನಮ್ಮ ಪ್ರಧಾನಿಯವರು ಸವಾಲಾಗಿ ಸ್ವೀಕರಿಸಿ ಸಾಧಿಸಿ ತೋರಿಸಿದರು. ಸ್ವಾತಂತ್ರ್ಯ ಬಂದು 70 ವರ್ಷ ಕಳೆದರೂ ಅಂದಿನ ಸರ್ಕಾರಗಳಿಗೆ ನೀರು ಕೊಡಲು ಆಗಿರಲಿಲ್ಲ. ದೇಶದ ಪ್ರತಿ ಮನೆಗೆ ನೀರು ಕೊಡಲು ನರೇಂದ್ರ ಮೋದಿ ಬರಬೇಕಾಯಿತು. ಶಿಗ್ಗಾಂವಿಯಲ್ಲಿ 5 ಕೋಟಿ ವೆಚ್ಚದಲ್ಲಿ ಕಾರ್ಮಿಕ ಭವನ ನಿರ್ಮಿಸಿದ್ದೇವೆ. ಹಿಂದಿನ ಸರ್ಕಾರದಲ್ಲಿ ಮುಂಗಾರು ಮುಗಿದು ಹಿಂಗಾರು ಮುಗಿದರೂ ಬೆಳೆ ಪರಿಹಾರ ಬರುತ್ತಿರಲಿಲ್ಲ. ಆದರೆ ನಮ್ಮ ಸರ್ಕಾರದಲ್ಲಿ ಕೆವಲ 2 ತಿಂಗಳಲ್ಲಿ ಬೆಳೆ ವಿಮೆ ಖಾತೆಗೆ ಜಮೆ ಮಾಡಿದ್ದೇವೆ ಎಂದರು.

ಜಿ+೧ ಮನೆಯೋಜನೆಯ 180 ಮನೆಗಳನ್ನು ಇಂದು ಉದ್ಘಾಟನೆ ಮಾಡಿ ಫಲಾನುಭವಿಗಳಿಗೆ ಮನೆ ಕೊಡುವ ಕೆಲಸವನ್ನು ನಾವು ಮಾಡಿದ್ದೇವೆ. ಮೊದಲು ಬಾಡಿಗೆ ಮನೆಯಲ್ಲಿ ಸರ್ಕಾರಿ ಕಚೇರಿಗಳು ಕಾರ್ಯನಿರ್ವಸುತ್ತಿದ್ದವು. ಇಂದು ಶಿಗ್ಗಾಂವಿ ಪಟ್ಟಣದ ಹೃದಯ ಭಾಗದಲ್ಲಿ ಸರ್ಕಾರಿ ಕಟ್ಟಡ ನಿರ್ಮಾಣ ಮಾಡಲಾಗುತ್ತಿದೆ. ಶಿಗ್ಗಾಂವಿ ಪಟ್ಟಣದಲ್ಲಿ 5 ಕೋಟಿ ವೆಚ್ಚದಲ್ಲಿ ಕಾರ್ಮಿಕ ಭವನ‌ ನಿರ್ಮಾಣ ಮಾಡುತ್ತಿದ್ದೇವೆ. ಅಭಿವೃದ್ಧಿಯ ಚಕ್ರ ನಿರಂತರವಾಗಿ ಇರಬೇಕೆಂಬುವುದು ನಮ್ಮ ಆಶಯವಾಗಿದೆ ಎಂದರು.

ಯುವಕರು ದೇಶದ ಸಂಪತ್ತು, ಶಿಕ್ಷಣದಿಂದ ವಂಚಿತರಾಗಬಾರದು

ಸರ್ಕಾರ ಅಂದರೆ ಸ್ಪಂದನಾಶೀಲವಾಗಿರಬೇಕು ಎಂದು ಹೇಳಿದ ಸಿಎಂ ಬೊಮ್ಮಾಯಿ, ಸಮಾಜದ ಕಟ್ಟಕಡೆಯ ವ್ಯಕ್ತಿಗೂ ಸರ್ಕಾರದ ಯೋಜನೆ ತಲುಪಬೇಕು. ಹಣವಿಲ್ಲದೆ ವಿದ್ಯಾಭ್ಯಾಸ ನಿಲ್ಲಿಸಿರುವುದನ್ನು ನಾನು ಕಂಡಿದ್ದೇನೆ. ಯುವಕರು ದೇಶದ ಸಂಪತ್ತು, ಶಿಕ್ಷಣದಿಂದ ವಂಚಿತರಾಗಬಾರದು. ರೈತರ ಮಕ್ಕಳು ಕಲಿಯಬೇಕು ಎಂಬ ಉದ್ದೇಶದಿಂದ ವಿದ್ಯಾಸಿರಿ ಯೋಜನೆ ಮಾಡಿದ್ದೇನೆ ಎಂದರು.

ರಾಜಕೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

ತಾಜಾ ಸುದ್ದಿ

Source link

ಇನ್ನಷ್ಟು ಲೇಖನಗಳು

LEAVE A REPLY

Please enter your comment!
Please enter your name here

ಇತ್ತೀಚಿನ ಲೇಖನ

error: Content is protected !!